ليل الشقا - كلمات عبدالمحيد سيف الصاري - اداء فهد بن فصلا 2024
هييه ياليل الشقا وش جديدك من علوم
اقبلت سربت هجوسك مدد خلفه مدد
لا حصلي فيك سلوى ولا راحه و نوم
مجتمع بالناس والفكر عنهم متحد
وانا لي صدرً على الهم بالشمع مختوم
جاعلً بينه وبين العرب حاجز وسد
ولا حدً من ميله الوقت سالم ومعصوم
كان ربي مافزع له بيبطي ماصمد
والله ان عندي طموحات وآمال وحلوم
ومن زرع لابد في يوم يجني ويحصد
اترك الي من صفات الكرم شبه معدوم
جعله افدا الي لاجات النوايب مستعد
شروا سالم بن مصامد جعل عزه يدوم
هو سحاب الوسم ودوا العيون امن الرمد
مثل مايفرق سهيل اليماني في النجوم
فارقً سالم عن الجيل من يومه ولد
يبو عايض رجل الأجناب ياعوق الخصوم
وذخر ربعه في المواقيف وحزام السعد
انت منصا للمدايح ومنصا للقروم
وشوق ترفات الصبايا وغضات النهد
فزعته عجله ومضرابها ضرب السهوم
في مراكيض المواقف ماجا قبله احد
ينهيي كبار الدعاوي ليا حان اللزوم
ولاتبي منه كلافه ولا تبغى جهد
والله من طيب المجاني ومن قو العزوم
وش نخلي من صفات المكارم وش نعد
عاشقً فعل الجمايل جعل حضه يقوم
والهقاوي الطيبه فيه ماعنها مصد
جعل قبر ابوه يسقيه همال الغيوم
باقيً ذكره لو نه اندفن وسط اللحد
من سلايل ربعي الي على العليا تروم
وارثين المجد والطيب من ابً وجد
من بني هزر الدواهي مجلين الهموم
هم مقاديم التغالب محللت العقد
ربعي الي في المواجيب موفين السلوم
تشهد العالم على طيبنا والله شهد
www.snapchat.com/add/smo7m
sumuw606
sumuw606
www.tiktok.com/@sumuw606
لدعم القناة عن طريق paypal
‏www.paypal.me/smo606
أشترك وفعّل التنبيهات في قناة سمو التغالب الرسمية
​⁠
‏:official whatsApp
0552050847
رابط للوتساب 👇👇
‏is.gd/TBUiBe
رابط قناتي في التلقرام
t.me/smo6060
🌟رابط تحميل الشيلة mp3 :
إشترك - إضغط على إعجاب - أضف تعليق - وأنشر المقطع جزاكم الله خيراً
‏Subscribe - Like
انتظرو كل ماهو جديد ..
#سمو_التغالب..
‬ 2024